Wolfgang Niedecken and WDR Big Band Köln - Amerika

Su sinn se also uss, die Kääls
Luhr ens, ene Nejer hann se och dobei
Luhr ens, op däm Panzer dä
Wenn’t huh kütt, ess dä aachzehn, dä hätt uns befreit
Vüür dänne hann se uns jewarnt
Wiesu hammer bloß ahn all dä Driss jejläuv?
Die Junge hann jet durchjemaat
Vum Kanal bess her ess wigg, wemmer durch Mine läuf

Wo die herkumme, ess jetz Naach
Die schloofe jetz noch öm die Zick, jenseits vum Ozean
Die hann Hüüser, hüher als dä Dom,
Do läuf dä janzen Daach nur Jazz em Radio.

Et heeß, do wöhr jeder jlisch
Ejal, ob ärm oder risch
Amerika
Un do kräät jeder sing Chance
E’ Paradies vun ’nem Land
Amerika

Nä, Amis he enn unsrer Strooß!
Jetz saach nit, du hätts et vun Ahnfang ahn jewoss
„Hey, Mister, hässte Schokolaad?“
Die Kinder hann ihr Angs als eezte affjelaat un se ahnjeschwaad
Wat jööv ich für en Lucky Strike!
Ich rauche nur noch Strüh sick ’ner Ewigkeit.
Wohl däm, dä su ’ne Kreech jewennt
Denn dä kann Fraue hann für ’n Paar Nylonströmp

Wo die herkumme, hann se’t joot
Do wohr kein einzije Stadt je vun ’ner Bomb bedroht
Do drövve stonn all Hüüser noch
Do weed jeder satt, weed jede Meddaach wärm jekoch

Et heeß, do wöhr jeder jlisch
Ejal, ob ärm oder risch
Amerika
Un do kräät jeder sing Chance
E’ Paradies vun ’nem Land
Amerika

Et heeß, do wöhr jeder jlisch
Ejal, ob ärm oder risch
Amerika
Un do kräät jeder sing Chance
E’ Paradies vun ’nem Land
Amerika

Written by:
KLAUS HEUSER, WOLFGANG NIEDECKEN

Publisher:
Lyrics © Universal Music Publishing Group

Lyrics powered by Lyric Find